Shillong, Kyllalyngkot 05: Ka Meghalaya Power Distribution Corporation Limited (MePDCL) kala phah da ka jingthoh sha ka kong Jernina Nongkhlaw, Lumparing Mynsain ha kaba la kynnoh ba la tynrah ia u dingpost eleltrik haduh ban da khyllem.
Ka MPDCL ha ka 2/Kyllalyngkot/2025 kala phah ia ka jingthoh ba ka kali kaba don ia u number ML-05J-0498 kala tynrah ia u diengpost eletrik haduh ba u la kdiah bad khyllem ha surok ha Lumparing dong Mynsain.
Katkum ka shithi No. MePDCL /AEE/CDSD/TEC-04/2024-25/393 kala phah siew haduh T.1,09,544/- Tyngka khnang ba ka MePDCL kan thied bujli da u wei u diengpost eleltrik ban pynbiang ha katei ka jaka ba la khyllem u dieng post eletrik.
Ka MePDCL ha ka shithi kaba la phah sha katei ka kong kala ai ruh ia ka account number ba don ha SBI kaba dei jong ka MePDCL kaba dei ha Shillong Branch ba katei ka kong kan leit ban siew.
Halor kane ka shithi na ka liang jong katei ka kong kala phah da ka jingthoh sha ka MePDCL ba kan nym siew ia kane ka jingdawa, ha ka jingthoh kala kynnoh kylla ba u diengpost eleltrik u la bam sarang bad u khlem ym ba kala tynrah da ka kali.
