Shillong, Risaw 03: U Vice Chancellor jong ka North Eastern Hills University (NEHU) Shillong u Prof Prabha Shankar Shukla mynta ka sngi ka 3 tarik u Risaw 2024 u la kyntait ia ka jingkynnoh jong ka Voice of the People Party(VPP) ba ki rukom trei kam jong u ki long pyrshah ia ki trai Jylla jong ka Meghalaya.
Ha ka jingiakren bad ki nongthoh khubor na ka liang u Prof Prabha Shankar Shukla u la ong ba ka jingthung ia u Registral bad ia kiwei kiwei pat ki nonghiaki ha ki department bapher bapher ia ka ba la leh da ka Selection committee bad ia ka ba la iaid kat kum ki Act jong ka Skulbah NEHU.
U la ong ruh ba hakane ka sngi u la ioh ban khot ia ka emergence Academic Council ban shim ia ka rai ha ka ba iadei bad ka jingpyntreikam ia ka UGC scale
U Prof Shukla u la ong ruh ba khlem ka screening committee um lah ban khot ia ka interview, u la pynpaw ruh ba ki members jong kane ka Committee kim na kane ka University hynrei ki ba bun ki dei na Shabar ka University bad kine ki long ki ba la don ia ka jingtip ha ka ba iadei bad ka jingjied ia ki candidate.
Ha kajuh ka por, u VC ka NEHU u la ïathuh ba ki nongïalam ka party jong ka VPP ba kynthup ïa u MP ka Shillong, u Ricky AJ Syngkon uba dei u nonghikai jong kane ka skulbah ki la ïakynduh ïa u ban ïakren ïa ki mat ha kaba ïadei bad ki bynta bapher bapher jong kane ka skulbah.
Kat ba na ka liang ka Voice of the People Party (VPP) ha ka jingiakren bad ki nongthoh khubor na ka liang u President U bah Ardent Basaiawmoit ha dien ba ki la dep ban ia kynduh ia u VC ki la pynpaw ba ki la ai po ria u ban pynbeit ia k ki jingbakla.
U la ong ruh ba ki Nonghikai, ki samla pule bad ki Non Teaching staff ki ba mad jingeh namar ka jingsynshar donbor bad ka policy pyrshah ia ki piadbah ka jylla.
U la ong ruh ba kim ym kwah ban don ia u VC uba pynkiew kyrdan ia ki briew nabar ban ioh ia ki jingmyntoi baroh da kaba iehnoh ia ki nonghikai bad ki nongtrei jong ka skulbah kiba na la ka jong ka Jylla. U la ongruh ba ki don ki jingujor ba u VC u shim ia ki rai da kaba iaid pyrshah ia ki kyndon jong ka ain NEHU.
U president ka VPP u la ong ba ki samla pule jong katei ka skulbah ki la mad ia ka jingeh naduh ba u VC u la thung ia uwei u ophisar shipai barim, u Colonel Omkar Singh u bym don jingshemphang eiei ha ka synshar khadar kum u Controller jong ka eksamin.
U la ong ba une u ophisar shipai barim mynta u la shah kyntiew kyrdan kum u registrar hadien ba um shym la lah ban pyndep kum u controller jong ka eksamin.
