Shillong, Naiwieng 10: Mynta ka sngi u myntri rangbah ka jylla u Conrad K Sangma mynta ka sngi u la batai ia u myntri ka tnad pule jong ka sorkar pdeng u Dharmendra Pradhan ia kaei kaba la jia hapoh ka skul bah North Eastern Hill University, Shillong.
U myntri rangbah ka sorkar jylla u Conrad K Sangma ha ka jingiakren bad u myntri ka sorkar pdeng u la kyntu ia u Dharmendra ba u dei ban wat ia ki lat ki lynti kumno ban ia pynbeit bad ban weng ia kane ka jingeh kaba ki samla pule kila dawa.
Ban kdew ba ka seng KSU ka shnat ha NEHU ha kaba sdang kila dawa ba dei ban weng kam mar dor ia ki ar ngut ki ophisar katta u Registrar bad Deputy Registrar ka skul bah, hynrei na ka liang jong u Vice Chancellor ym shym la pynurlong ia ka jingdawa jong ki.
Na ka liang jong u Vice Chancellor da ka shithi u la pynmih ar sien ban ia kren ia kane ka jingeh hynrei na ka liang ki samla pule kim sngap bad mynta kila dawa ba u VC ba mynta ud ei ban hiar shuki noh mardor bad ka jingiakhih shah thngan ka dang bteng.
