Shillong, Nailar 25: U Managing Director ba dei ruh u nongiaseng lang ia ka Blind Lead Trust u bah Jitendra Dkhar bad ka kong Bandiwa Khymdeit kaba dei ka Assitant Secretary, kila kyntu ia ki kmie ki kpa ba lada don kiba duna ha ki dkhot met kim dei ban shu pynshong ia ki ha iing hynrei kin phah sha ki jaka ai jinghikai.
Haba kren ha ki lat pathai khubor mynta ka sngi ha Shillong Press Club, u bah Jitendra Dkhar la ong ba kane ka Trust ka don lai tylli ki jingai jignhikai n ka bynta ki para ba don jingduna ha dkhot met ha ka ophis trei kam ka Trust.
Ki jinghikai kaba ki la sdang ki long ka “ATM Talking Project” na ka bynta ki ba don jingduna ha ki dkhot met, ia kane ka jinghikai la bei pisa da ka sorkar jylla MDA-I, la ong ba ka skhim kala trei kam bha ha kaba bun ki para ba don jignduna dkhot met kila ioh jingmyntoi.
Kane ka jinghikai ka long kumno ban pyndon kam ia ki ATM da kaba pyndon kam ia ka jingsngap skhor haba ki leit ban sei pisa namar ki ATM baroh mynta ki don ia kane ka lat ia kaba la shna ha kata ka rukom ban pyndon kam kiba don jingduna dkhot met.
Kiwei ki jinghikai kiba ka ain ka long ka jingshna kti bad kane ka iarap bha ba kin ieng hala ki jong ki kjat namar ki tiar shna kti ki long kiba iaid bha, bad kawei pat ka jinghikai ka long ka jinghikai computer la kyntu ia ki kmie ki kpa ba kin phah sha kitei ki jinghikai. Ia kane ka Trust la register katkum ki kyndon ain jng ka sorkar.