Shillong, Jymmang 13: U bah Prestone Tynsong Symbut myntri rangbah ka jylla mynta ka sngi u la pyntip ba ka sorkar kala ioh ia ka jingtip ba kala don ka jingsngewthuh bakla na ki katto katne ha kaba ia dei bad ka jingpynkhuid ia ki met jong ki ba khlad na ka jingpang COVID-19 ha kaba kila don ki kynhun niam ki bym treh ban pyndep ia ka niam ka rukom.
Haba ia dei bad kane ka jingpynkhuid ia ki met jong kiba khlad na ka liang jong ka sorkar ka kyntu ia baroh ki jait niam ba kin nym don kano kano ka jingsngewting ban pyndep ia ka jingleh niam ban pynkhuid ia ka met jong kiba khlad namar ia ka met la synreit dawai katkum ki kyndon.
Ka sorkar mynta ka sngi kala shim ia ka rai ruh ba kan pynbiang ia ki PPE sha ki katto katne jong kito ki long iing kiba khlad ban rah ia ka met jong kiba iap sha shnong na ki Hospital sha ki iing ki sem ban pyndep ia ka niam ka rukom.
Na ka liang jong u Symbut myntri rangbah u la kyntu ia ki jait niam baroh kiba don ha ka jylla Meghalaya ba kim dei ban don kano kano ka jingsngewsyier ban pyndep ia ka niam ka rukom namar shuwa ban rah ia ka met na Hospital la seng bha ia ki bad kiba ha iing kin but ia ki kyndon ba la bthah da ka sorkar.
