Shillong, Rymphang 07: U Bah Sanbor Shullai MLA jong ka 19-Shillong South u la leit ban ia kynduh ia u Myntri rangbah ka jylla u Conrad K Sangma ha kaba u la ai da ka jingthoh ban kyntu lem ia ka sorkar ba kan tular lem ban pynioh ia ka Madan Garisson ban pyndon kam ki paidbah.
Ha kane ka jingiakynduh la leit lang ruh u Bipen Pradhan u ba dei peit ia ka roi ka par kiba hap hapoh jong ka Cantonment ia kaba la tip kum ka Shillong Cantonment Area Development Committee.
Ha kane ka jingiakren la kyntu ba dei ban pyntrei kam ia ka ain shna iing jong ka sorkar jylla na ka bynta ki riew paidbah. La kyntu ruh ia u myntri rangbah ba un ialam ia ka kynhun ban leit ia kynduh ia u myntri korbar ri jong ka sorkar pdeng halor kane ka kam.
Kane ka jingdawa ban pyndon kam ia ka madan Garisson na ka bynta ki paidbah haduh mynta kam pat urlong, ha kane ka jingiakynduh la ai jingmut sha u myntri rangbah ba kan bha ban ia kren bad ka sorkar pdeng da kaba ia soi ia ka soskular iasngewthuh jngmut bad ka sorkar pdeng ban pyndon kam ia kane ka jaka na ka bynta ka jingmyntoi jong ki paidbah.
