Shillong, Nohprah 11: U Myntri Rangbah Duh, u Narendra Modi u la pyllait paidbahia ka ‘Viksit Bharat @2047: Voice of Youth’ lyngba ka video conferencing mynta ka sngi. U Myntri Rangbah Duh u la ai jingkrenia ki Vice Chancellor jong ki skul bah, ki khliehduh jong ki jaka pule bad ki nonghikai ha ki workshop ba la pynlong ha ki Raj Bhawan ha kylleng ka ri ban rakhe ia ka jingsdang jong kane ka sienjam.
Ha Jylla Meghalaya, ka Raj Bhavan Shillong ka la pynlong ia ka prokram ha kaba la don ka jingpyni live ia kane ka prokram. La pynlong ruh ia ka workshop kum shi bynta ka prokram halor ka phangpdeng “Empowered Indian” bad “Thriving and Sustainable Economy”.
U Lat ka jylla Meghalaya bad u Myntri Rangbah ki la iadonlang ha kane ka prokram bad ha ka workshop la sakhiia ki jingialangiamir jingmut jong ki khlieh duh jong ki jaka pule, ki nonghikai bad ki samla pule kum kito kiba don bynta na ka bynta ka India kaba la kiew shaphang.
Ki workshop kilong ka sienjam ba kongsan sha ka jingsdangia ka kam ban kynthup ia ki samla ban iasam ia ki jingai jingmut jong ki na ka bynta ka Viksit Bharat @2047.
U Myntri Rangbah duh ha ka jingai jingkren jong u, u la kdew ia ka bynta kaba khraw jong ki jaka pule ha ka jingkyntiew ia ka jingmut jingpyrkhat jong u briew bad ong ba ka ri ka lah ban kiewshaphrang tang lyngba ka jingkiew shaphrang ki briew jong ka.
Haba kdew ia ka jingkongsan ka jingkyntiew ia ka jingmut jingpyrkhat ha kane ka juk mynta, u Myntri Rangbah duh u la kitbok na ka bynta ka jingjop jong ka workshop ‘Voice of Youth.’
U Myntri Rangbah Duh u Modi u la ban jur halor ka jingdonkam ban buh ka thong ia ka bor jong ki khynnah bad ki samla pule ha man ki skulbah khnang ban pynurlong ia ka ‘Viksit Bharat’.
Da kaba pdiang ia ka jingdon ki jingmut jingpyrkhat bapher bapher, u Myntri Rangbah Duh u la ong ba dei ban pyniatylli ia kine baroh na ka bynta ka jingtei ia ka India kaba la kiewshaphrang. U Modi u la kyntu ia baroh ba kin trei borbah na ka bynta ka jingpynurlong ia ka Viksit Bharat@2047.
U la ai jingmut ban pynlong ia ki prokram ba kyrpang ha man ki kolej bad ki skulbah ha ka ri ban pyniasoh shuh shuh ia ki samla bad kane ka jingthmu. U Myntri Rangbah Duh u la kren shaphang ka jingplie ia ka rynsan Ideas Portal kaba iadei bad ka Viskit Bharat bad u la pyntip ba lah ban ai jingmut ha ki san tylli ki phang.
Da kaba pyniasyriem ia ka ‘Viksit Bharat’ bad ka eksamin, u Myntri Rangbah Duh u la ong ba ka jingpynkhreh, ka jingskhem jingmut jong ki samla bad ki jingnoh synniang jong ki longiing jong ki, ki long kiba donkam bha ban pynurlong ia ka thong. U la ong ba la buh ia ka tarik na ka bynta ka eksam ia ngi ki nongshong shnong jong ka ri.
Ha ka jingpynkut ia ka jingai jingkren, u Myntri Rangbah Duh u la ong ba ka lynti sha ka jingkiew shaphrang kam dei kaba rai tang da ka Sorkar hynrei baroh kawei ka ri ka don bynta ha kane ka kam. “Baroh ki briew jong ka ri ki don la ka bynta ha kane,” la ong u Modi da kaba ong ba wat ki thong kiba heh tam ruh ki lah ban urlong lyngba ka SabkaPrayas, lane ka jingiashim bynta lang da baroh.
Ha ka jingai jingkren ha ka jingialang u Lat ka jylla Meghalaya, u PhaguChauhan u la kyrpad ia ki samla ban peit ia ka rynsan jong ka Viksit Bharat ba la shna da ka sorkar bad upload ia ki jingsngew bad ki jingai jingmut jong ki ha kane ka rynsan hashuwa ka 25 tarik Nohprah 2023.
Kine ki jingai jingmut, bad ki siemjampynkhreh kam kan iarap ia ka sorkar ban wanrah ia ki polisi bad iarap ruh ban kot sha ka thong ban pynlong ia ka India ka ri kaba la kiewshaphrang hashuwa u snem 2047, la bynrap u Lat.
U Lat u la ban ruh halor ka jingialam lynti ia ka sur jong ki samla jong ka ri sha ka rukom treikam ban tei ia ka India kaba la kiewshaphrang bad kdew ia ka bynta jong ki jaka pule kiba iajan bad ki samla.
U la iarohia ka jingkren ai mynsiem jong u Myntri Rangbah duh u Conrad Sangma ha kaba u la kdew ia ka bynta jong ka jylla Meghalaya ha ka jingwanrah ia ka jinglong kaba skhem jong kane ka jingpynkhreh kam.
U la pynpaw ka jingsngewnguh jong u ia ki Vice Chancellor jong ki Skul bah, ki Director jong ki jaka pule bapher bapher bad ki ophisar kiba la pynlong ia kane ka prokram kaba don jingmut lyngba ka jingiashim bynta jong ki bad ki jingiamir jingmut ha ka workshop.
U Myntri Rangbah duh jong ka jylla Meghalaya, u Conrad Sangma ha ka jingai jingkren ha ka jingialang u la ong ba ki samla kilong ki kabu ba khraw tam jong kanokano ka ri ha kaba kilong ruh ki jingeh kiba heh tam.
U la ong, “Bad ngaiai ban ia kane ha jan man ki prokram ba ngaleit haba nga kren sha ki samla, ki samla haba ki shah ialam bakla ki long ka bor jong ka jingpulomlut baroh ha ka ri. Haba ki shah ialam ha ka lynti kaba dei, ki lah ban long ka bor kaba khraw tam ha ka jingtei ia ka ri.
Dei namar kata kalong kaba donkam ba ngin tei ia ka rukom pyrkhat kaba dei bad ialam lynti ia ki samla ha ka lynti kaba dei khnang ba kin lah ban long ka bor jong ka jingtei ia ka ri kaba ngim pat juiohi ha ka histori, u la bynrap.
U Myntri Rangbah u la ai khublei ia u Myntri Rangbah duh na ka bynta kane ka thong jong ka Viksit Bharat hashuwa u snem 2047 da kaba bynrap, “kanokano ka ri, kanokano ka jylla lane kanokano ka kynhun kam lah ban iaidshakhmat khlem ka thong.”
U la bynrap shuh shuh, “bad kumta, kam pher lada kata ka thong kalong kaba jwatkatnokatno ruh….kalong kaba donkam ia ka ri ban iaidshaphrang sha ka thong. Bad nga sngew ba u Myntri Rangbah duh u la ai mynsiemshikatdei eh ia ngi baroh ban leh ia kata.
Bad kata kalong kaei kaba u nongialam udei ban leh. Bad sashisien ha kane ka jingialang kaba kyrpang nga ai khublei ia u Myntri Rangbah duh ia ka thong jong u na ka bynta ka ri jong ngi bad na ka bynta man u nongshong shnong jong kane ka ri kaba khraw.”
U Myntri Rangbah u la kren shaphang ka jingthmu jong u Myntri Rangbah duh bad ong ba ki samla kin raiia ka lynti jong ka jingkiew shaphrang bad ka rai kam long tang jong ka sorkarmarwei.
Haba batai shaphang ka jingseisoh jong kane ka workshop kaba don laijait ki briew kiba iadon bynta – ki khlieh duh jong baroh ki jaka pule, ki nonghikai bad ki samla pule jong ki jaka pule ki la iashim bynta ha ki jingiamir jingmut da kaba iasam ia ki jingsngew bad ki jingai jingmut jong ki na ka bynta ka Viksit Bharat @2047.
U Dr Rohit Dwivedi, Professor na ka IIM Shillong u la ong ba ki lai kynhun ki la ban jur halor ka Jingryntih, ka jingbha bad ka roi ka par kum ki mantra ban kot sha ka thong jong ka India kaba la kiewshaphrang ha kaba man u nongshong shnong jong ka ri u sngew laitluid bad ka jingsngew ba la pynkupbor.
U Dr. Dwivedi u la ong ba ki samla pule ki don ka thong na ka bynta ka imlang sahlang kaba koit ba khiah, kaba ioh ia ki jingtip kaba wanrah ia ka rukom treikam kaba pura na ka bynta ka bha ka miat jong ka imlang sahlang bad ka roi ka par.
Ki khlieh duh jong ki jaka pule ki la pynpaw ba katba ki jaka pule ki pynkhreh ia ka jinglong jingman ha ki phew snem ban wan, ka jingban jur halor ka jingkyntiew ia ki sap bad ka jingpyndonkam ia ka teknoloji ki plié ia ka lad ban rah shakhmat ia ka ri, la ong u Professor.
