Shillong, Jymmang 29: U Myntri Rangbah ka jylla u Conrad K Sangma u la ong ba na ka daw jong ka jingwan lynshop kane ka eriong kala wan rah ia ka jingjulor ha ki katto katne ki bynta jong ka jylla bad kala wan ruh ia ka jingkhlad noh jong u wei u briew ha Jaintia Hills.
U myntri rangbah la ong ba ia ka jingiarap la dep ban ai sha kato ka long iing kaba mat ia kane ka jingjia kaba sngewsih na ka daw jong kane ka jingbeh ka lyer langthari. La ong ba bun bah ki iing ki sem jong ki riew shimet kila shah pynjulor.
Na ka liang jong ki bor ba dei peit ia ki District kila iarap kloi lan ia kito ki long iing kiba la shah ktah ha kane ka jingpynjot jong ka mariang, ka jylla kala ia kynduh ruh ia ki jingeh ha kaba ia dei bad ka bor ding elektrik haba ia dei bad kane ki nongtrei ka MeESEB kila trei shitom ban pynbiang ia ka bor ding.
Wat la ki don ka jingduna ki nongtrei na ka liang jong ka MeSEB kala ialeh ban pynbiang ia ki briew ban maramot ia ki jingjulor, u myntri rangbah la ong ba hapoh kine ki ar sngi lai sngi yn sa lah ban pynioh biang ia ka bor ding elektrik.
U Myntri rangbah u la ai khublei kaba kyrpang ia ki ophisar bad kyrpang ia ki bor jong ki District Administration kiba la trei shitom ban iarap ha kine ki sngi ba don kane ka jingshah lynshop ha ka mariang, la kyntu ia ki paidbah ban phons sha ki DC lada don kano kano ka jingdon kam ne shanumber CM Connect 1971.
