Shillong, Jymmang 29: U Syiem Hima Mylliem, u Pa,im Ainam Syiem, u la kyntu ia baroh ba kin da wat jingtip shuwa ban kynthoh ba ka paw biej, ia kane u la ong namar kala don ka jingkynnoh ba ka Hima Mylliem kan die ia ka jaka sha ki shipai BSF kaba don ha Lokhra- Beltola ha ki lad pathai khubor.
Na ka liang jong u Syiem ka Hima Mylliem u la iathuh ba kum ka hima kam don jaka, hynrei kitei ki jaka ki hap hapoh ka Raid Marwet, kaba hap hapoh jong ka Hima Mylliem. Kum ka hima kam don jaka ki jaka dei jong ki riew shimet.
Haba ia dei bad ka jaka kaba la kynnoh da ka seng KSU ka dei ka jaka jong u riew shimet. Na ka liang jong u Bah Law ha dien ba la ioh ia ka jingmynjur na ki shnong ba mar jan u la leit sha u Syiem ka raid Marwet ban pan jingmynjur bad na u Syiem raid u la phah sha ka Hima bad ka Hima kala phah sha KHADC.
Kane ka kam kala sah kut hapoh jong ka KHADC haduh mynta, ka jingkynnoh ban ong ba ka hima ka dei jaka ka long kaba bakla bad na ka liang jong u General Secretary jong ka KSU u samla Donal V Thabah u la dei ban kynjah ktien khang ba kan nym paw biej ha khmat jong ki paidbah.
Haba ka Land Transfer Act ka don ia kaba yn nym lah ban die khlem da leh da ki bor sorkar kumno la shu kynnoh ba la dei jaka, haba ka hima kam don jaka la ong u Syiem ka Hima Mylliem, la ong ba nangne sha khmat ka hima kan iaid katkum ka ain ia kiba pynthobria ia ka hima.
