Shillong, Nailar 09: Ka Dorbar Federation of Khasi States, (FKS), ka khmih lynti ia ka Sorkar BJP – NDA ban pyniaid sted ha ka ban pyndep ia ki jingkular bad ki jingiateh (Instrument of Accession bad Annexed Agreement – 17 August 1947 ) kaba la mynjur bad soi hapdeng ka Sorkar India bad Federation of Khasi States bad ki jingkular ki jingiateh bad ki Naga, kumba la Sorkar BJP ka la trei sted ban pynbeit ia ki Kam Jammu & Kashmir
Kum ban shu pynkynmaw ka “policy paper for Meghalaya” kaba la soi da u Shri. PB Archrya, i/c Organisation Five Border States North Eastern Region, BJP (u dang shu shong thait Kum u Lat ka Nagaland) bad u Bah H A Roy Kharpuli, President BJP ha u snem 1997 ha kaba ki la kular ba kin burom ia kine ki jingkular.
Shuh shuh ka Federation of Khasi States, lyngba u Paiem Phrester M Syiemlieh, Syiem Hima Nongkhlaw, ki la ai ia ka Memorandum ha ka kti u Prime Minister ha u bnai May 2016 mynba wan Shillong u Prime Minister. Hynrei haduh kine ki sngi ym shym ioh Kano Kano ka jubap.
Kumta ka Dorbar FKS ka da khmih lynti ba kane ka Sorkar BJP – NDA ba kin shim khia ban thaw lad ban pyndep kham sted ia ki jingkular ki jingiateh kumba la ia kut naduh ka 17 tarik August 1948, kumba la Sorkar BJP ka la trei sted ban pynbeit ia ki Kam Jammu bad Kashmir. La ong u Bah Bah John F Kharshiing, Adviser bad Spokesperson, Federation of Khasi States,
