Jowai, Jymmang 24: Ka seng Jaintia Students Union lyngba u samla Jersom Shylla u President Rangbah ka seng bad u General Secretary ka seng kmie u samla Treiborlang R Suchen ki lah ong ba na ka liang ka seng ki kyrpad jur na u DC ka West Jaintia Hills District ba ka dei ban pynjynsur noh khyndiat ia ka korphiw kaba lah pynjari hapoh Jaintia hills.
Ka seng ka shem ba bun naki paidbah kiba na nongkyndong ki lah ud ki lah nam namar ka jingpynjari korphiw hapoh ka disrtik bad ka seng ka kwah ban ai jingmut sha ka bor districk baka sorkar kamdei satia da leilei ban pynjari korphiw lane ban khang dam salonsar ia ki distrik namar kham mynshuwa.
Ka JSU ka kamn ba ka sorkar ka lah dep pynbna ba yn ym don ka jingkhang dam shuh lait noh tang ka set slong iakiba ioh Covid ha la ing bad khangdam ia ki kyntoit ki dong (containment Zone) kiba ioh bit kham bun u khniang COVID hynrei mynta pat kane ka jingpynbna ka sorkar mynshuwa lyngba u Symbud Myntri Rangbah ka long pynban da khongpong mynta.
Ka seng ka kwah ai jingmut iaka sorkar da kaba kidei ban wan shim iaki test jong ki paidbah (random test) hapoh ki shnong ban tip kham bniah iaka ka jingdon ka khlam hapoh ki shnong lada ki paidbah hapoh ki shnong kimdon ba ioh satia ia u Covid ka sorkar ka lah ban pyntikna ba kata ka shnong ka long kaba lait na ka jingdon u khlam Covid 19.
Ki paidbah hapoh kita ki shnong kiba lait na u Covid hadien ba lah dep test iaki ki lah ban phai sha ki jingtrei kaba ki ju trei hapoh ki shnong ki thaw ban im ka kamai kajih ban ioh ban pyndap ha la ing namar ban kaba iap thngan,ngi iohi ba ka pyrthei mynta ka long kaba eh lada ki paidbah kim ioh lad ban bylla sngi ne trei kum ka shoh maw ,trei lyngkha ,bylla sngi sha bri,bylla 100 sngi, trei misteri bad kiwei kiwei kaba ki nongkyndong jong ngi ki im sngi ban ioh kamai na kti ha ktien.
Ka JSU ka kyrpad jur iaki bor disrtrik ka West Jaintia Hills kumjuh ia ka bor distrik East Jaintia Hills bad iaka sorkar ba ki dei ban pyrkhat bha iaki ba im bylla sngi ban ioh pyndap bai bam hala ing .
U samla Treiborlang R Suchen u lah ong kumba 98% ka West Jaintia Hills District bad East Jaintia Hill Distrik kadang hap ha ki shnong nongkyndong ba d u lah ong bad kyrpad iaka sorkar bad ia ka bor distrik ka dei ban shim khia noh ha kine ki khyndiat sngi ban pynjynsur ia ka korphiw.
Na ka liang jong ka JSU kala ong ba dei ban leh da ka random test ha ki shnong ban tip ba kiei kita ki shnong kiba lait na jingdon Covid bad kiei ki shnong ba dang don ia u Covid namar ki shnong ki thaw kin tip ban im suk ban ioh ban bylla sngi.
Sa kawei ka seng ka kyprad jur ruh shabaroh ki paidbah ba kim dei ban kheiñ sting iakane ka wad kaba ar ka jingwan u khlam bad ki paidbab kidei ban bud ryntih iaki kyndon ba lah bthah da tnat ka koit ka khiah ban lait na ka jingbit pathar une u khlam.
