Shillong, Kyllalyngkot 25: Ia ka National Voters Day la rakhe mynta ka sngi ha ka Ri baroh kawei, ha kane ka jylla Meghalaya ruh la rakhe ha baroh kawei ka jylla bad ha kane ka nongbah Shillong la pynlong ia ka jingmareh marathon.
Ha ka jingkren jong u Additional Chief Secretary jong ka jylla u B K Dev Verma u la kyntu ia ki paidbah ba kin pyndon kam hok ia ka hok jong ki ban thep ia ka vote jong ki. Kumba ka long mynta ka jingdon ki nongthep vote ha kane ka jylla ki long 14.89 lak na kine 7.36 lak kidei ki shynrang bad 7. 53 lak ki dei ki kynthei.
Kiba la ia shim bynta ha kane ka jingiamareh ki don kumba 200 ngut, ka jingiamareh ka la sdang na Khyndailad sha , Motphran, Jeep Stand, GS Road, Stanley Roy Petrol Pump, Mawlai Nonglum, Mawlai Mawdatbaki, FCI, Mawroh, PTS, Golflinks, Iew Polo , saw Furlong, MES, Rynjah, Khlieh Nongthymmai, St Edmund’s bad la pynkut ha ka jaka ba sdang.
Ha kane ka sngi la ai khusnam T. 25, 000, T. 20, 000 bad T. 15, 000 ia kiba wan ba nyngkong baa r bad b alai.(SP News)
