Shillong, Iaiong 03: Ka KSU Wapung Unit ka pynpaw iaka jingkyrshan ba pura iaka Dorbar shnong Wapung skur halor ka mat ban ym ailad iaka jingthmu ka Om Om Coke ban tei iaka Lam Coke Manufacturing Unit hapoh u pud u sam ka shnong Wapungskur.
Ka seng kumba la ju ieng ha ka nongrim ban iada iaka khyndew ka shyiap ka ri mynta ka kynti ruh ka pynpaw ruh iaka jingkyrshan iaka Dorbar Wapung skur ban nym ailad satia ban tei iakatei ka kharkhana .
Ka seng ka dawa naka Meghalaya State pollution control board (MSPCB) ban pynduh pyndam shisyndon iaka CTE (Consent to Establish) bad ruh ban nym iaid sha khmat ban ai kiwei pat ki jingbit ,ka dawa ruh na u Dolloi ban pyndam iaka NOC bad ruh u waheh shnong ka Mookhep ban pyndam shisyndon
Kum ban shu pynkynmaw ba ka seng ha ki snem ba la dep ka la ujor iakawei naki coke plant kata ka Abhi Coke kaba don ha mookhep sha ka MSPCB hynrei haduh mynta um shym la iohi ki dak ki shin ban teh lakam iaka jingmih jakhlia na katei ka Coke plant.
Ka seng halor kane kan sa iai buddien shen halor kane ka kam bad yn sa shim ki lad ki lynti ba kham eh.
