Shillong, Nailar 07: U MLA ka Mawsynram Constituency u bah Olan Singh Suin mynta ka sngi ka 7 tarik u Nailar 2024 u la pynpaw ba u kyrshantyngeh ia ka jingmihshakhmat jong ki kynhun sengbhalang bapher bapher na ki shnong ki ba hap hapoh ka Mawsynram C&RD Block.
Ki seng bhlang ki dawa na ka sorkar MDA ia ka ba la ialam da ka seng NPP ba kan kyntiew kyrdan noh ia ka Mawsynram C&RD Block sha ka Civil Sub Division khnang ba ynlah ban pynjan shuh shuh ia tnad treiakm ka srkar Jylla Sha ki paidbah.
Ha bad ki nongthoh khubor na ka liang u bah Olan Singh Suin u la ia thuh ba ynda la kut ka dorbar Autom session jong ka Meghalaya Legislative Assembly, ynsa ioh ban ialam ia ka kynhun ka ba na Mawsynram Constituency ban leit ban ia kynduh ia u Myntri Rangbah ka Jylla u Conrad Sangma ban pynsngew halor kane ka jingdawa jong ki paidbah nongshnong ka ba la slem bad ka ba la sah pending mynta la bun bun snem.
U la ong ruh ba na ka liang jong u, u la dep ban kren ia kane mat jingdawa hapoh ka iing dorbar. U la ong ruh ha ba ngi ia nujor ia ka Mawsynram Constituency bad kiwei kiwei pat kum ka Ranikor ka ba mynta ka la ioh iala ka jong ka Civil Sub Division hynrei ka Mawsynram Block ka dei ka ba la rimtam ka ba naduh u snem 1962.
U la ong ruh ha ba khein ia ka jingbun briew ka Mawsynram Block ka dei ka ba kham bun briew ha ka ba kiwei pat ki jaidbynriew kum ki Garo bad kiwei kiwei ruh ki don lang kumta ban wan rah ia ka jingiajan sha ki paidbah ka Mawsynram ka la don kam ban don ia ka Civil Sub Division.
U la ong ruh ba ka Mawsynram ha ba ngi phai sha ka jingjngai na ka Head quarter ka la kham jngai ha ka ba ngi hap ban iaid ia lyngba ki lum bad ki them.
U bah Suin u kyrmen ruh ba ka sorkar MDA kan sngap ia ka jingdaw jong ki ka ba la slem bha bad u la ongruh ba hadien ka Auton Session kan sa don ka jingia kynduh bad u Myntri rangbah.
