Shillong, Lber 27: U Deputy Chief Minister u bah Prestone Tynsong, u la ong ba ka sorkar kala ai bor ia ki Block Development officer (BDO) ba kin ai pass ia ki nongkhaii na ki shnong ba kin ioh ban wan thied ia ki marbam na Shillong.
U symbut myntri rangbah u la ong ba ka sorkar kala dep ban ai ia kane ka bor sha ki BDO ba kin ai ia ka pass na ka bynta kito ki dukan kiba don kam ha ki shnong ki shnong ban dup lah ban pynpoi sha ki nongkyndong.
Haba ia dei bad kito shnong kiba hap hapoh ki Civil Sub Division ki trai dukan kin leit ban shim pass ba kin ioh ban wan thied mar na Shillong, kane ka juh ka rukom na ka bynta kito ki dukan kiba don ha Shillong ruh kin leh kum juh ba kin ai ia ka pass na ophis jong ka DC.
U Symbut myntri rangbah u la ong ba ka jingleh ia kane ka long ban khanglad ia ka jingsaphriang jong u Khniang jingpang COVID-19, ka sorkar ka sengewthuh ia ka jingeh hynrei hap ban leh ban iada ia ki paidbah na kane ka jingmang.
