Shillong, Iaiong 14: Ka shnong Umshaken Mathan ka don ha Ri Bhoi District bad kane ka shnong ka don sha khmat Umden bad ha kane ka shnong kila don ki dieng post eleltrik kiba la bam sarang bad kane ka ap ka jingma ia ki ki nongshong shnong namar kila lah khyllem ha kano kano ka por khatam ha kane ka por lyiur ba jur ka lyer.
Katkum ka jingshem jong u SP News Agency ha kane ka shnong kaba la don kumba 220 tylli ei ei kit num iing, kila don bun ki dieng post electrik kiba la bam sarong bad na ka liang jong ka MeECL kala kyrshan da ki dieng ban nym khyllem, hynrei kane ka buh ia ki paidbah nongshong shnong ha ka jingma.Ha kane ka jinglap la sakhi ba bun ki sainar light ki la synjor bad ki post eletrik ki la bam sarang.
Ha katei ka hnong la sakhi ba bun ki post electric la pyn bynrap da u dieng ban pynneh jubor. Haba sakhi ia kane ka jinglong jingman ki post electric ka la buh jingma ia ki nongshong kum ha kane ka por slap bad ba ju beh er-ïong, namar ha khrum ki sai-nar light don ki ing ki lynti ban iaid briew.
Ka shnong Umshaken Mathan ka dei ka ba don hapoh ka umling C&RD block ka ba hap hapoh ka Nongpoh Division, Meghalaya Power Distribution Corporation Limited (MePDCL) ka shnong Umshaken ka dei kaba la don kumba 220 tam eiei ki tnum ïing.
Kane ka shnong kala don ki paidbah nongshong shnong 969 katkum ka khana samari jong u snem 2011 bad mynta ka jingbunbriew ka la palat sha ka 2000 ngut tam eiei. Ka shnong Umshaken ka jngai kumba 33 km na Nongpoh kaba dei ha Headquarter ka Ri Bhoi District.
