Shillong, Nailur 01: U Director General ki Pulit jong ka jylla Meghalaya u Dr Laijia Ram Bishnoi mynta ka sngi la ong ba la bthah ia baroh ki tnad pulit ha ka jylla ba kin long kiba peitngor ia ka jingdon ki lehnoh Jihadi.
Haba kren ha ki lat pathai khubor la ong ba ha dien ka jingshah kem kiba la suba ba ki dei ki lehnoh Jihadi ha Assam, na ka liang ka tnad pulit jong ka jylla Meghalaya ruh kila bthah ia baroh ki tnad pulit ba kin long kiba peitngor ia ka jingdon ki lehnoh ha kane ka jylla Meghalaya.
La ong ba haduh mynta na ka liang jong ki pulit kim pat lah ba kin don kine ki kynhun lehnoh ha kane ka jylla hynrei na ka liang ka tnad pulit kala peitngor bha ia kane ka bynta ban pynthikna ba kim dei ban ioh rung ha kane ka jylla Meghalaya.
Ka tnad pulit kala bthah kyrpang ia ki thanad kiba don ha khappud bad ka Bangladesh ban long kiba peitngor bha ba kum kine ki briew kim dei ban ioh rung ha kane ka jylla, kane ka jingpeitngor ia ka iaid ka iieng jong ki ka long ha baroh kawei ka jylla.
Dang shen na ka liang jong ki BSF la ong ba ki pulit jong ka jylla kin tip kham bha ha ka jingia dei bad ki lehnoh Jihadi, ka don ka jingiatrei lang ha pdeng ki pulit bad ki BSF ban ia jigntip mar kylliang.
