Shillong, Naitung 10: U Symbut Myntri Rangbah ka jylla u bah Prestone Tynsong mynta ka sngi u la iathuh ba ka sorkar kala bthah ia ka Deputy Commissioner jong ka East Khasi Hills District ba kan ujor mardor da ka ejahar pyrshah ia ki 41 ngut ki briew kiba la leit ban ia shim bynta ha ka jingiathoh ha Greenwood Resort ha Guwahati.
U bah Prestone u la ong ba ha kane ka thup jong ki 41 ngut la kyntup lang ia ki shijur kiba dei ki nongiathoh bad ai ka ain kan leh ia kaba don kam bad ia kaei ka ban mih na kane ka FIR yn sa ia peit hynrei ka sorkar kala bthah ia ka DC Shillong ba kan ujor mardor ia ka ejahar pyrshah ia kitei ki briew.
Haba jubab ia ki jingkylli ka long ba ka ophis jong ka DC Shillong kala ai jingbit tang san tylli ki pass kaba mut san tylli ki kali bad katkum ka jingpynbna ka tnad ka kit ka bah jong ka sorkar ka long ba ha kawei ka kali lah ban shong tang lain gut, san tylli ki kali kaba mut 15 ngut, hynrei kumno ka mih 41 ngut.
U Symbut Myntri Rangbah u la ong ba baroh ki briew kiba wan sha Meghalaya ki dei ban shong quarantine hynrei kine kim shym la but ia ki kyndon jong ka sorkar. Kane ka jingujor ejahar jong ka sorkar ka long ka jingmaham ruh ia kiwei ba kin dei ban ia lehkai ia ka koit ka khiah jong u paidbah.
Na ki 41 ngut kiba la leit sha katei ka jingiathoh 2 ngut la test COVID-19 Positive bad ki briew kiba ia jan eh bad kine ki ar ngut haduh mynta la lap ba ki don haduh 62 ngut, ia ka test la shim na kine ki briew bad mynta dang ap ia ka reslot.
