Shillong, Jylliew 12: Ka ophis jong u Deputy Commissioner, East Khasi Hills Distrik, Shillong ka la pyntip ba na ka bynta ka iaid ka ieng ba shngain bad ban iada na kano kano ka jingjia ba ma ha ka surok Shillong bad Dawki.
Labthah ia baroh ki nongjngoh kai pyrthei bad nongleit nongwan kiba thmu ban leit sha Dawki, kin sngewbha ban kiar iaid na ka surok Shillong, Pynursla bad Dawki tad haduh ban da la pynbna biang. Na ka daw jong ka jingbteng ban maramot ia katei ka surok, la don ka jingma ka jingtwa khyndew, hap maw bad jingkhang surok.
Na ka bynta ka jingshngain ka iaid ka ieng, la kyrpad iaki nongleit nongwan ba kin iaid noh na ka lynti Shillong, Jowai, Amlarem bad Dawki, ha kaba kane ka long shngain ban poi ha Dawki bad kiwei kiwei ki jaka jngoh kai ba hajan.
La hukum iaki nongleit nongwan ba kin kiar ban iaid lyngba ka surok Shillong, Pynursla bad Dawki ki dei ban bud iaki hukum ba la bthah da ki nongshong shnong bad pulit.
Dei ban peit iaki khubor ba pyntip shaphang ka jinglong ka mariang hashwa ba ki thmu leit jingleit, dei ban long kiba husiar haba leitkai, khamtam ha ka por slap bad na ka bynta ban ioh jingiarap, dei ban phone ha u 112.
