Shillong, Lber 14: Ka View point ha surok bah GS Road kaba don ha Mawlai Mawiong kala kylla long kawei na ki jaka peitkai ia ki briew kiba wan sha shabar jong ka jylla sha Meghalaya ban wan shangkai, khlem da lah ban khlem sangeh ha kane ka jaka por ki leit phai.
Ha shuwa ba kan wan ka COVID-19 ha katei ka jaka la don ki dukan ha kaba ki nongshong shnong ka Mawlai Mawiong kila dara ia ki dukan bad ki nong die dukan kila buh ha ha kane ka jaka hynrei la pynsangeh noh ia ki da kaba shna ia ki dukan thymmai.
Kine ki dukan kiba khlem pat lah ban plie haduh mynta ka shna da ka tnad jongkai pyrthei jong ka sorkar Meghalaya bad kane ka jingkhang khyrdep ia ki kala pynduh kamai ia ki briew kiba la buh dukan ha katei ka jaka.
Na kiba iaid ba ieng kiba bun ki buh ka jingkylli balei ka sorkar kam lah ban plie noh ia kine ki dukan kiba la dep ban shna ha kane ka jaka bad mynta kila kylla long kum ki iing jah kiba khlem don ba pyndon kam.
