Shillong, Nialar 08: Ha kane ka jingiakynduh u myntri rangbah ka jylla u Conrad K Sangma u la iakren bad u myntri rangbah duh ka Ri India u Narendra Modi, halor ka jingthmu ka sorkar pdeng ban wanrah ia ka jingpynkylla ia ka riti synshar ka ri “One Hundred and Twenty-Fifth Amendment) Bill, 2019 kaba ia dei bad ki District Council ha Meghalaya.
Haba ia dei bad ki MDC ban shut hung sha ki lai tylli ki District Council ha kane ka jylla na kito kiba ym ba mih khmat, ka sorkar jylla kala ia mir jingmut bad bun ki riew shemphang halor ka jingthung ia ki MDC ban ai ka jingiaryngkat hapdeng ki riewlum, ha kaba u myntri rangbah ka jylla u la kdew ba ka jylla ka don 17 tylli ki riew jaidbynriew kiba paw bad 37 kiba hap hapoh jong kitei ki jaidbynriew.
Kane ka jingthmu ban pynbun ia ki Konstitwensi sha ki District Council kala pynpyrkhat ia kane ka jingthmu ban thung ia kiwei ki jaidbynriew kum ki MDC kala buh ia ka jingbym beit bad ryntih, ha kane ka jingthoh kaba la ai sha u myntri rangbah duh jong ka Ri India mynta ka sngi la kdew ia ka jingsngew hapdeng kiwei ki jaidbynriew ban pynneh ia ka jingiatylli bad ka jingiajan kum shipara.
La bynrap ba ha Meghalaya kam shym don ka jingmang kyrpang ia ki konstitwensi bn ia khun ia ka elelction MDC bad kam don ruh ka jingkhang ia kiwei ban ia khun ia ka elelction na ban thep vote, ha dien ka jingiakren ka sorkar Meghalaya kala rai ban nym pdiang ia kane ka jingai jingmut ban shu thung ia kiwei ki jaidbynreiw sha ki District Council.
Ha ka dorkhas ka sorkar kala kren ba kiba kumno ban thung MDC sha ki lai tylli ki District Council, ha Khasi Hills Autonomous District Council (KHADC) bad Garo Autonomous District Council (GHADC), ki ban shah thung dei ban long ki briew kiba la tbt kyrpang ha ka pule puthi, ki nongialehkai kiba la paw bha kiba la mih khmat ia ka jylla sha ka Ri ne sha ka pyrthei.
Ki riew kynthie kiba la paw bha ha ki kam bishar bad ki briew kiba la paw ha ka khaii pteng.Na ka bynta ka Jaintia Hills Autonomous District Council (JHADC), ki ban shah thung dei ban long na ki riew kynthei kiba la paw bha ha kitei ki saw tylli ki bynta.
Ha kane ka jingiakynduh la iakren ban pynbun ia ki MDC sha ka GHADC naka 30 sha ka 42, ki ban jied da ki paidbah 36 ngut, ki ban shu thung 6 ngut, ha KHADC naka 30 kiba don mynta yn pynkiew sha ka 40 ngut, na kine 36 ngut ban jied da ki paidbah bad 4 ngut ban shut hung, ha JHADC yn pynbun na ka 30 sha ka 32, na kine 31 shu jied bad 1 shu thung ha kine baroh lai tylli ki konstitwensi kan shong ha ka jingbun don ki briew.
