Shillong, Iaiong 24: U Myntri Rangbah ka jylla U Conrad K Sangma mynta ka sngi u la khot ia ka jingialang ban ia kren kumno ban leh ban wan rah ia ki briew ka jylla kiba sah kut sha bar ka jylla ban rah sha ka jylla.
Haba pyntip ia kane lyngba ka twitter u myntri u la ong ba ia ki kyndon ka sorkar ka sa lah ban pynwan dur ha kine ki khyndait sngi ban wab, namar ba hap ban peit bniah ruh ia ki ynda kila wan sha ka jylla.
Katba u Symbut Myntri rangbah ka jylla u bah Prestone Tynsong mynta ka sngi u la pyntip ba ki sample kiba la shim haduh mynta ka sngi ki long 1130 bad kiba la dep ban test ki long 1048 bad na kine kiba long Positive dei tang kito ki juh 12 ngut kiba sah mynta long 11 ngut, ka test ba dang ap ban ioh ia ka jingtip ki long 70 tylli.
