Shillong, Naitung 04: U Inspector General ki shipai BSF jong ka Tripura Frontier u Patel Piyush Purusottom Das IPS, la ong ba ia ka jingker ksainar shiah ha khappud bad ka Bangladesh la ia kren ha ka kyrdan jong ki Director General ha dpeng kine ki ar tylli ki ri, ka Ri India bad Bangladesh.
La ong ba ka jingtrei ka dang iaid sha khmat ha kaba ia dei bad kane ka jingker ksainar shiah bad ki don ki bynta kiba ym pat lah ban pyndep haduh mynta bad na ka liang jong ki BSF ki kwah ban ioh ba ia kane ka jingker dep ban pyndep noh kham kloi.
La ong ba don bun ki bynta ha kane ka jylla Meghalaya ruh kiba dang sah bym pat ker ksainar shiah bad khmih lynti ba ia kane ka jingker yn lah ban pyndep kham kloi ban lait na bun kiwei kiwei ki jingeh ha khappud.
La ong ba ha kane ka jingialang kaba la long saw sngi ha Shillong ha kane ka kyrdan Inspectors General BSF – Region Commanders BGB level Border Co-ordination Conference Border Security Force (BSF) ki dang ia kren ia kane ka kam ker ksainar shiah.
Lah ban pynkynmaw ruh ba ha kane ka jylla Meghalaya khamtam ha ki bynta jong ka East Khasi Hills bad Jiantia Hills kala don ka jngiapyrshah ia ka jingker ksainar kaba 150 kam na khappud, ka jingkwah ka long ban ker na pud.
