Shillong, Lber 01: Hapoh ka jingialam jong u president ka Meghalaya people Labour Union, u Bah Erwin K Syiem Sutang ha ka sngi saitjian kila leit ban ia kynduh ia ki seng nongniah Tourist jong ka jylla Assam ban ia pynbeit ia ki jingeh kiba la mih ha Guwahati Airport na ka daw jong ka jingshah shoh u wei na ki draibar tourist na Meghalaya ha u bnai ba la dep.
Ha kane ka jingiakynduh kaba la long ha Guwahati hapdeng ki seng nongniah Torusit na Meghalaya bad na Assam ha kaba kila ia mynjur ban pynduh noh ia ki nongpynkiew nongleit nongwan ia kiba la tip kum ki “Dalal” hapoh jong ka Guwahati Airport.
Ha kane ka jingiakynduh kila ia kren ruh ban pynduh noh ia ka jingkhrong beain hapoh katei ka kad liengsuin, namar ha kine ki sngi lada ym siew ia ki ki nongniah kali tourist ki juh shah shoh shad at.
U bah Erwin K Syiem Sutnga president ka MPLUu la pynpaw ia ka jingsngewnguh kaba khraw ia u Director General ki pulit jong ka jylla Assam kiba la kem mar dor lai ngut ki briew kiba la shoh ia u wei na ki nongniah tourist na kane ka jylla Meghalaya ha u bnai bala dep.
La iathuh ruh ba ha kane ka jingiakynduh da kawei ka sur ki seng nongniah tourist na Assam bad Meghalaya kila shim ia ka rai ban pynduh noh ia kine ki nongshim kabu ban dawa pisa na ki kali ha Airport.
U Alok Verma u nong ialam ka seng nongniah tourist ha Airport u la ong ban wan rah ia ka jingsuk jingsain nang ne sha khmat kan don da ka jingteh soskular hapdeng ka seng na Assam bad Meghalaya khnang ban don ka jing shongsuk bad un iakren ruh bad u S.P ka Azara ban peit iaka jing iaid beit ki kali kam.
U bah Kordor I Mawlong u nongialam ka HTTA u la ong ba ka jingialang ka long ban ia kren ban ia suk noh hadien ba la mih ka jingkumrum kynram ha Guwahati Airport bad ka jingshem jingeh ka long tang na ka daw ba don ki Dalal. Ka jingiaroh ka leit ruh sha ki pulit jong ka jylla Assam kiba la kloi ban weng ia ki Dalal na Airport.
