Shillong, Nailur 23: Ia ka kaiphot jong u ‘Comptroller And Auditor ka Ri India” ha kaba ia dei bad ka jingioh ka sorkar kaba dei haduh ka 31st Lber 2022 haba ia dei bad ka jylla Meghalaya ka kaiphot kaba 3 ia kaba la wanrah hapoh ka iing dorbar ha ka 22nd Nailur 2023.
Katkum kane ka kaiohot jong u CAG haba ia dei bad ka Transport ha ka sla kaba 37 kala dew ba ka sorkar kala ai jingbit ban plie 13 tylli ki Weight Bridge bad na kine kiba trei kam ki long 8 tylli kane ka long kut kum jingthoh kiba la buh hapoh ka ophis u Commissioner ka tnad Trsanport.
Ha kane ka kaiphot la kdew ba kala don ka jingbym siew ia kabai laisen sha ka sorkar da ki hynniew tylli ki Weight Bridge kaba la kot sha ka T.9.49 klur tyngka, na ki phra tylli ki Weight Bridge kaba ha Majai ka khlem pynthymmai shuh ia ka laisen namar ka por ka laisnen kala kut ha ka 27 Risaw 2021, ba bat ia kane ka laisen la sngeh ban siew naduh Nailur 2019 ha kaba la pynsah haduh hynniew tylli ki jingsiew khlem siew.
Katba kiwei pat lai tylli ki Wight Bridge ki khlem pat siew wat tang shisien ruh ha dien ba la ia soi ia ka jingiatehkular, kiwei pat lai tylli ki Weight Bridge ki khlem siew tang shisien, hynrei na ka liang jong ka tnad Transport ka khlem shim kano kano ka lat wat la ki khlem siew katkum ka jingiatehkular.
Ha ka kaiphot na ka liang jong u CAG la kdew ba ka tnad Transport kam shym la knieh ia ki Weight Bridge ne shim kino kino ki lat ban pah siew ia ka pisa kaba ka sorkar ka dei ban ioh T.9.49 klur.
Ki hynniew tylli ki Weight Bridge kiba khlem siew ia ka bai snem jong ka Laisen ki long kaba ha Majai East Khasi Hills khlem pat siew T.1,66,45,885/- tyngka, Umling Ri Bhoi kaba rung khlem pat siew T.43,33,334/-, ka Umling Ri Bhoi kaba mih khlem pat siew T.81,66,667/- tyngka, Killing Ri Bhoi khlem siew T.13,00,000/- tyngka, 8 Miles, Phramer West Jaintia Hills khlem pat siew T.1.14,72,000/- , Borsora South West Khasi Hills District, T.53,15,001/- tyngka bad Bagli South West Khasi Hills khlem pat siew T.1,76,22,019/- tyngka.
Haba la kdew ha u bnai Nailur 2022, u Deputy Secretary ka tnad Transport ka sorkar Meghalaya kala ioh pdiang T.1.38 /- klur tyngka, kane ka dei na ka Weight Bridge na ka Umiling ba rung, Umling ba mih bad Killing baroh kine ha Ri Bhoi District, Katba na 8th Mile (Phramer), Borsora bad Bagli, na kine ki lai tylli la ioh T.2.79/- klur tyngka katba ka Weight Bridge kaba na Majai ka khlem pat siew eiei, kane ka long kat haduh ka jingkhien ha u bnai Kyllalyngkot 2023.
