Shillong, Lber 10: U Superintendent ki pulit jong ka East Jaintia Hills District mynta ka sngi u la pyntip ba la ioh ban kem 12 ngut ki briew kiba la suba ba don kti ha ka jingthang ia ka iing jong u rangbah shnong barim jong ka shnong Rymbai Iawpyndin ha ka 8/3/2023.
Ha ka kyrwoh kaba la phah na ka ophis jong u SP jong ka East Jaintia Hills District la ong ba ha katei ka sngi la ioh ban kem ia u bah Deishim O Lamunrong katba u dang thang ia ka iing bad ia u bah Heisalon Dkahr ba trei hapoh jong ka MeECL bad la suba ha ka por bat hang ia ka iing la pynlip ia ka light.
Haba ia dei bad kane ka jingjia ki pulit jong ka khliehriat kila register ejahar ha kaba ia dei bad kane ka jingjia, ha dein bala tohkit la ioh ban kem 11 ngut ki briew kiba la suba don kti ha kane ka kam thang iing hapoh ka tie ka shnong.
Kiba la shah kem, nalor kitei ki ar ngut la kem ruh ia u bah Bakstar Dkhar, u bah Cherishme Dkhar, bah Eborlang G Nongtdu, bah Emerson Dkhar, bah Roilang Dkhar, bah Henry Shangpung, bah Thynda Lyngdoh, bah Elius Wanniang, bah Rishotlang bareh, bah Kletin Suchiang, u bah November Dkhar.
Ha kane ka jingthang iing kiba la shah kynnoh ba don kti kiba trei hapoh ka MeECL, ki long lain gut, u bah Heisalon Dkhar, bah Elius Wanniang bad u bah Rishotlang bareh, ki pulit kila dang bteng ia la jingtohkit halor kane ka jingjia.
