Shillong, Nailar 20: ka Election Commission jong ka Ri India mynta ka sngi kala ong ba ka elekshon shiteng samoi na ka bynta ki ar tylli ki Assembly Konstitwensi ha kane ka jylla Meghalaya, ka 51-South Tura (ST) Assembly Constituency bad 35-Ranikor (ST) Assembly Constituency hapoh ka kyndon 126A jong ka RP Act, 1951, ha kaba la khang pyrshah ia ki lad pathai khubor bay m bit ban pynmih ia ki khubor mano ban jop mano ban rem ha kane ka elekshon lada lap pyntip sha ka Commission.
Katkum ka kyndon (2)(b) jong ka RP Act 1951 ka elekshon komission kala pynmih ia ka jingpynbna ba naduh ka por 7.00 baje mynstep haduh ka por 5.30 baje jan miet la khang pyrshah bay m dei ban pynmih ia kano kano ka khubor mano ban jop mano ban rem, ha kaba ia dei bad ka bye-elekshon jong ki ar tylli ki konstitwensi ha kane ka jylla Meghalaya la khang pyrshah.
Ha ka juh ka por ka election commission kala ong ba ka jingwah paidbah ia kino kani ki jaid dur kiba ia dei bad ka elekshon la khang pyrshah hapoh ki 48 kynta ha dien ba la kut ka por ialap elekshon.
