Shillong, Kyllalyngkot 30: Ka tnad District Council Affair jong ka sorkar jylla mynta ka sngi kala pynmih ia ka jingpynbna ba ka “Model Code of Conduct” kan trei kam noh naduh ka 17 tarik u Rymphang ha kaba ia dei bad ka ilkeshon MDC shiteng samoi hapoh jong ka 26-Langrin MDC Konstitwensi.La ong ba baroh ki seng sain pyrthei ki hap ban but bha ia ki kyndon kane ka long katkum ka jingpyntip jong u deputy Secretarty jong ka tnad DCA ka sorkar jylla.
La ai bor ha ka Deputy Commissioner jong ka South West Khasi Hills District kaba dei ka retuning officer na ka bynta kane ka ilkeshon ba kan buh ia ki kyndon ha kaba ai dei bad jingpyndon kam ia ki kali da ki kyrtong bad ha ka juh ka por ki dei ban da ioh ia ka jingbit ban pyndon kam ia ka tynhung jingpynsawa ha ka por ialap ilekshon da kaba mut ia ki kyndon jong ka Election Commission jong ka Ri India.
Ha ka juh ka por u Joint secretary jong ka DCA, u la pyntip ba la khang ba ym dei shuh ban pynlait pisa kiba dei na ki skhim MLA, MP ne kino kino ki skhim kiba dei na ka sorkar jylla lane na ka sorkar pdeng tad haduh ban da dep ia ilekshon MDC shiteng samoi. La khang ruh pylong ia kano kano ka jingbuh Mawnognrim hapoh jong ka 26-Langrim MDC Konstitwensi. Kane kan trei kam ha baroh ka tei ka konstitwensi.
La khang ia ki briew kiba leit ban ialap ilekshon ba kim bit ban pyndon kam ia ki kali sorkar kiba la ai sha u CEM, ki EM, Chairman jong ka KHADC. La khang ruh ia ki briew ba kin nym bit ban rah pisa palat ia ka T.50000/- tyngka katba ym pat kut ka ilekshon. Kane kan trei kam naduh ka 17 tarik u bnai Rymphang 2020.
