Shillong, Nailar 08: Ka kynhun tohkit na marwei jong u nong bishar bala shong thait u Justice Rumi Kumari Phukan (Retd.) mynta ka sngi u la pynpaw ia ka jingsngew khia ka jong u bala hap ban khang noh ia ka jingohkit na ka liang jong ka jylla meghalaya namar ba ym shym don ba leit ai sakhi halor ka jingjia shah siat iap ki briew ha shnong Mukhroh West .
Halor kane ka jingkhot ban pynlong ia ka jingsngap paidbah ba kin wan ban ai skhai halor ka jingshah siat iap ki briew kiba dei na ka jylla Meghalaya ha ka 22.11.2022, la buh ha Assam House hapoh kamra ba pynlong jingialang ha Shillong ha ka 07/08/2023 ban sngap lada don kino kin ki nongwan ai sakhi satar.
Na ka liang jong ka kynhun tohkit kala pynbna ia kane ka sngi ban shong bishar ha ka kot khubor ha ka 04/08/2023 ba lada don kiba kwah ban wan sha khmat ban ai sakhi lada ki don jingtip ei ei ba kin wan ban ai sha ka kynhun tohkit. Na ka liang jong ka sorkar Meghalaya ruh kala pynbna bad kyrpad ba ai sha ka kynhun tohkit ia ki skhi ki jingthoh ha khmat kynhun tohkit.
La bthah ruh ia u Deputy Commissioner jong ka West Jaintia Hills District ban ai ia ka jingpyntip ba lada don kiba don ia ki sakhi satar ban leit ban ai sha khmat ka kynhun tohkit kaba la long ha 07/08/2023 ban ioh ban buh kum ki jignthoh ne ban toh ia ka jingkren ka jong ki lada ki don jingtip , hynrei kam shym don ba wan na ka liang jong ka sorkar ban ai ia ki jinghoh.
