Shillong, Jylliew 25: U Executive Engineer, P.W.D. ba dei peit ia ka surok jong ka Mawsynram Division, Mawsynram , u la pynbna paidbah mynta ka sngi ba la khang ia ki trok bad ki Bus ba kin iaid halor ka jingkieng ha ka surok Hatmawdon-Ryngku na ka daw ba ki bynta ba shah poh jong ka jingkieng kila kdiah.
Kino kino ki kali kiba iaid halor kane ka jingkieng ka jingkit kam dei ban palat ia ka 9 tone. Ha ka juh ka por la pyntip ba ka jingmaramot ia kane ka jingkieng ka dang iaid sha khmat mynta kumta la kyntu ia baroh ba kin long kiba husiar haba iaid halor kane ka jingkieng, la ong u EE ka Mawsynram PWD Division.
