Shillong, Rymphang 09: U Myntri Rangbah ka jylla u Conrad K Sangma haba kren ha ka jingialang paidbah ha Mukhla ban buh ia u mawnognrim ban shna ia ka jaka pynlang Dud ,a ong ba la khein antad ba man la u snem kin don 50000 ngut ki samla kin mih ban wadkam ha Meghalaya.
Haba kren ha katei ka jingialang u myntri rangbah ka jylla u la ong ba ka sorkar kan hap ban wat ki lat ki lynti ban pynmih kam 50000 tylli man la u snem bad kane ka long ka ialeh ia ka sorkar bad ka sorkar kanhap ban iaid sha khmat ban pynkhreh ban pynioh kam ha ki kam bapher bapher.
Kane ka jaka pynlang Dud kaba ka sorkar kan tei ha Mukhla kan long ha ka jinglut kaba T.9 klur tyngka bad na kane ka jingmyntoi ba ki nongrem kiba ri jingri kan logn ka lat ioh kam palat 2000 ngut bad kane kan iarap ban pynbiang ia ka jingdon kam dud ha ka jylla, kumba ka long mynta ka jylla ka don ha pdeng ka jingduna Dug.
Kane ka jingshna ia kane ka jaka pynlang Dud ka long shibynta na ka skhim “ Dairy Mission” kaba dei jong ka sorkar pdeng, kane ka long ban pynthikna ba ki paidbah ba ri masi khem Duh kan long kawei pat kala lat kamai kajih na ka bynta ki samla kiba dang khi dang san ba kin pylong ia kane ka kam kum kawei na ki lat kamai.
Ha kane ka sngi u mytnri Rangbah ka jylla la ong ba ki dang don shibun ki kam pynroi kiba ka sorkar kan dang pyntrei kam ha kine ki khyndiat bnai ha kaba yn sa buh ia u mawnongrim jong ka “Mini Secretarait” ha Jowai ban pynbha ia ki surok bad ia ka Hospital ban kha khyllung shen yn sa plie noh.
Ha kane ka sngi u MLA jong ka Jowai u bah Wailad Shylla ruh u la don lang ha kane ka sngi ba dei MLA jong katei ka jaka.
