Shillong, Iaiong 09: Ka jingialang ilekshon na ka bynta kane ka MP ilekshon ka ban long ha ka 11 tarik mynta u bnai kala kut mynta ka sngi ha ka por sawbaje. Na ka liang jong u Returning Officer jong ka 1-Shillong Parliamentary Constitutnecy u la pynjari ia ka kyndon 144 CrPC ban khang pyrshah ia ka jingialum briew.
Katkum ka kyndon kaba 126 jong ka “Representation of People Act, 1951 kumba la pynkylla ia ka kala pyntrei kam ia ka “ Por kaba jar jar, kaba khang pyrshah ia ka jingialap ilekshon, ne ban pynlong ia ki jingialang paidbah ne ban pyniia ki shap jong ki seng sain pyrthei la ka long ha ki Telibishon ne ki lad pathai khubor.
Na ka liang jong u Abishek Bhagotia District Magistrate u ba dei ruh u la Returning Officer na ka bynta jong ka 1-Shillong Parliamentary Constituency kat kum kabor kaba la pynkup ha u hapoh ka kyndon jong ka 144 CrPC, u la pynjari ia kane ka kyndon ban khang pyrshah ia ka jingialum briew beain ne ban pynlong ia kino kino ki jingialang paidbah hapoh kine ki 48 kynta khlem da ioh ia ka jingbit kaba la khang ia kane ka jingialap ilekshon.
