Shillong, Nohprah 10: U Myntri rangbah ka jylla u Conrad K Sangma mynta ka sngi u la iashim bynta ha ka sngi pynkut ia ka jingrakhe ia ka Jubilee Ksiar ka Nativity Higher Secondary School Mawkyrwat.
Ha ka jingkren u myntri rangbah ka jylla haba kren ha kane ka jingrakhe pynkut ia ka Jubilee Ksiar la ong ba u ai ka jingiaroh ia ki nongseng kane ka skul u Phadar Aron bad u bah Brixuis Marwein kiba la seng ia kane ka skul ha u snem 15/Lber/1974.
Ha kane ka sngi u la ai khublei kyrpang ruh ia ki riew ngeit na ka shnong Nonglang, Mawlangwi bad Mawranglang kiba la kyrshan bor bah ha ka por bas dang ia kane ka skul. U la kren ruh halor ka jingtrei shitom jong kito ki dkhot kiba pyniaid ia ka skul.
Ha kane ka sngi u myntri rangbah la ong ba ha ka liang ka pule puthi ki don shibun ki jingeh ha kane ka jylla, hynrei ka sorkar ka phai khmat ba kumno yn pynbha iaka pule puthi bad ka sorkar kala mang shibun ka pisa na ka bynta ka pule puthi.
La ong ba bun na ki jingeh ha ka pule puthi la lah ban ban pynbeit bad ka sorkar kala kut jingmut ban pynhikna ba ki khun samla kin ioh ia ki jingpule ha ki shant bapher bapher ha jan jong ki, u myntri rangbah la pynbna ban kyrshan len ia kane ka skul da kaba noh syniang T.25/- lak tyngka ha kane ka jingdap 50 snem kane ka skul.
Ha kane ka jingialang la pynbna ruh ban pynheh bad pynbha ia ka surok na Weiloi sha Mawkyrwat lyngba ka skhim MITP-II ka ban kot sha ka T.120 klur tyngka, ha kane ka juh ka sngi la pynbna bala mang pisa T.25/- lak tyngka na ka bynta ban pynbha iaka jaka jngohkai ha Nongnah u la ai khublei ia ki paidbah kiba la noh syniang lang.
Ha kane ka sngi la pynkup burom ruh ia u bah Brixuis Marwein ba dei u Headmaster ba nyngkong kane ka skul, ha kane ka sngi la don lang u bah Reniktone L Tongkhar MLA, u bah Karnes Sohshang MDC, Phadar Alphonsus Wahlang ba dei Principal bad ki kynnah skul ki kmie kipa bad ki bun ki nongtrei balang.
