Shillong, Nailar 08: Mynta ka sngi u bah H. S. Kharpran, MLA, Mawryngkneng Constituency u la plie paidbah ia ka jingaitika ia ki khyllung ha Diengpasoh PHC na ka bynta ka East Khasi Hills District.
Ia kane ka jingaituka la tip kum ka ‘Indradhanush Immunisation 5.0’ na ka bynta ka East Khasi Hills District ha ka jingialang kaba la long ha Diengpasoh PHC, ia kane ka jingsdang ia ka jingaitika la pynlong da ka ophis jong ka District Health Society, NHM, East Khasi Hills District da ka jingiatreilang bad ka Directorate ka Health Services (MCH&FW).
Ha kane ka sngi la don lang ka kong R.M Kurbah DC jong ka East Khasi Hills District, Dr. R. Allya, DHS(MCH), Dr A Lyngdoh, DMHO, East Khasi Hills District, Dr. E L Kharmutee, DMCHO, Dr V Laloo, Dr A Lyngdoh, Medical bad Health Officer ba deipeit ia ka Diengpasoh PHC, BMO, CDPO, ki nongpeit pyrman na ka WHO, JSI, UNDP, District & Block Officials, ki kdhot ka VHC, ASHAs, AWWs bad ki kmie ki kpa.