Shillong, Kyllalyngkot 17: Ka NYKS, Shillong ha ryngkat ka jing iatreilang bad ka Directorate of Sports & Youth Affairs, Govt. of Meghalaya kum shi bynta ban rakhe ia u Snem uba kyrpang na ka bynta ki samla (Meghalaya Year of Youth) ha ka 17th January 2013 ka la plie pyrda noh ia ka Inter District Integration Camp ia kaba la pynlong ha Youth Hostel Shillong.
Ha katei ka Inter District Integration Camp la wan ban iashim bynta da palat 150 ngut ki Khun samla na kylleng ki District bapher bapher jong ka Jylla hi baroh kawei, ha katei ka jingialang la sakhi lang ruh da ka kynhun jong ki Samla na ka District Zero, Arunachal Pradesh ki ba la wan khnang sha kane ka jylla ban ia shim bynta ha ka Youth Club Exchange Programme.
La plie pyrda ia katei ka Inter District Integration Camp da u Bah F.M.Dopth (MCS) Director, Directorate of Sports & Youth Affairs, Govt. of Meghalaya u ba la long kum u kongsan ha katei ka sngi ha ryngkat ka jingiadon lang jong u R.P.S.Thakur , Zonal Director NYKS, Meghalaya Zone u ba la long kum u Symbud kongsan, kiwei pat ki kynrem ki lyndan kiba la iadon lang ha katei ka sngi ki kynthup ia u Bah.G.Mylliemngap Warden Youth Hostel, Bah Bobby Wahlang bad u Samla Kitbok lang Nongphlang State Programme Liaison Officer.
Haba kren kum u Kongsan ha katei ka Sngi u Bah F.M.Dopth (MCS) Director, Directorate of Sports & Youth Affairs, Govt. of Meghalaya u la ai ka jing iaroh ia ka NYK kaba la shimkhia ban lum ban lang ia ki khun samla ban pynlong ia kiba kum kine ki jait Programme, shuh shuh haba kren ha katei ka jing ialang na ka liang jong u Bah Dopth u la ong ba na ka liang jong u kum u Director ba dei khmih ia ka tnad na ka bynta ban kyntiew ia ka sap ka phong jong ki samla u da khmih lynti eh ba ka Sorkar Jylla lehse sa tang khyndiat por kan sa pynurlong noh iaka State Youth Policy ka ban long kum kawei na ki iktiar kaba khlain bor tam kaban pynkup bor ia ki samla namar ba dei tang lyngba ki ain kiba khlain ki la lah ban thaw Thymmai ia kiei kiei baroh bad ban pynurlong shisha ia kata ka kyntien phira ba ki samla ki dei ka Lawei jong ka Ri bad ka Jaitbynriew.(SP News)
