Shillong, Nailur 07: Ka Kommittee bad ia dei bad ki kam khlaw jong ka KHADC ban bishar ia ki kyndon jingpynbeit thymmai ia ka jingthmu jong ka sorkar pdeng ban wanrah ia ka jingpynkylla ia ka ka Indian Forest Act (amendment) Act 2019
Mynta ka sngi ka Committee Forest KHADC ba la pyniaid da u Bah Victor Rani, MDC Executive Member, i/c Forest KHADC, ka la ia kynduh mynne ka 6 tarik Sept 2019, por 11 baje haduh 3 baje janmiet ka la pyndep ban bishar ia ki kyndon jingpynbeit thymmai ia ka draft jong ka Indian Forest Act (amendment) Act 2019
Hadien ka jingiathir ia tai kaba sani bha kaba la neh palat saw kynta bad ha ka jing ia kynduh ha ka sien kaba Lai katei ka Committee kyrpang ka ban ai jingmut halor ka draft jong ka Indian Forest Act (amendment) Act 2019, ka la pyndep ia ki jingai jingmut kaba katei ka Committee Forest kan phah sha ka Executive Committee, KHADC khnang ban kin ioh ban phah sha ka tnad Forest Sorkar jylla.
Ki bun ki jingaijingmut hynrei kaba kongsan ka jingaijingmut ka long ban pyllait ia ka jylla na katei ka draft jong ka Indian Forest Act (amendment) Act 2019 katkum ka Article 244(2) Constititution Ri India bad khamtam haba la don lupa ka United Khasi bad Jaintia (Management and Control of Forest Act 1958, shuh katei ka Committee ka la rai ban pynkynmaw ruh ia ka Sorkar Jylla ia ka Meghalaya Assembly Resolution kaba 13 April 2000 kaba la dep rai ban pyllait ia ka FC Act 1980 na ka jylla Meghalaya bad kiwei kiwei.
U Chairman u la ai khublei ia baroh ki dkhot katei ka Committee kiba la Noh synniang ban pyllait ia ka por na ka bynta ka jingiada ia ka hok ki paidbah ka Ri Khasi.
