Shillong, Nailur 13: Ka Pynthorumkhrah Presbyterian Secondary School ka la pynhap pyrda noh ia ka jingrakhe ia ka jingdap 125 snem jongka, ha kane ka sngi u Symbud myntri Rangbah ka sorkar jylla u Bah Prestone Tyngsong u la long u Kongsan bad u CEM ka KHADC Bah Pynïaid sing Syiem u lah long Kum u Symbud Kongsan
Ha kane ka sngi la don lang ruh u bah Vincent H Pala, Bah A.L Hek Myntri sorkar uba dei ruh u MLA ka Pynthorumkhrah Constituency, Bah P N Syiem Symbud CEM ka KHADC ryngkat kiwei kiwei de.Kum ka Dak ban kynmw ieid ia ki snem bad ki por ba lah leit noh, la ioh ban pyllait ia ka kot sah jingkynmaw jong kane ka skul da u Bah Prestone Tyngsong.
Haba ai jingkren ha kane ka sngi ba khraw na ka Liang u CEM ka KHADC u la ai la ai khublei ia ka managing Committee. u la ong ruh ba ka la long ka jingshisha ba ka jingwan Jong ki Mishoneri 200 snem mynshwa ki lah wan rah Shibun ki jingkylla.
Ka ba nyngkong ba ngin tip ia U Blei ba im, ha ka jingnang Jingtip, ka jingkoit jingkhiah. Kum ka Dak ban sah kynmaw ia kane ka sngi na ka Liang jong ka council ka KHADC ka la pyntip ia ka jingiarap ka 25lak ban ioh ban tei ban extend ia ka skul na ka Fifteen finance commission grant kaba ka council ka ioh na ka sorkar pdeng.
Haba ai jingkren hakatei ka sngi na ka Liang u Symbud myntri Rangbah u Prestone Tynsong u la ai khublei ia ka balang mawkhar bad u lah ioh i na ka souvenir ba ka 30 tyngka ba la iarap na ka senior Christian society ka ai 25tyngka bad ka Junior Christian Society 5tyngka ka ba lah pynlong haduh ka jingdap 125 snem mynta.
U lah kyntu ruh ia ki khynnah skul ba kin pule ia ka souvenir ba kin tip ia ka khana ba kumno ki kmie ki kpa jong ki, ki pynheh pynsan ia ki ba kin long kumba ki long mynta. U la ong ba Na ka Liang jong u bad jong ka sorkar ki lah Rai ban ai ka scheme kyrpang na bynta ka kane ka skul, 20lak tyngka.La pynkut ia kane ka program da ka jingpynhap ia ka Lama jong kane ka skul da i CEM Ka KHADC.
