Quwahati, Naitung 11: Ha ka sngi kaba ar jong ka North East zonal conference la pyni ia ki kam ai jingtip sha ki paidbah ba iadei bad ki skhim jong ka sorkar bad ki prokram ba la sdang da ki field unit jong ka Central Bureau of Communication (CBC).
Haba ai jingkren ha ka jingialang, u K Satish Nambudiripad, Director General jong ka North East Zone u la ong ba ka NE conference ka thmu ban wanrah ia ka rynsan ban iasam ia ki rukom pyrkhat bad ka jingiamynjur lang ka ban pynthikna ia ka jingtreikam kaba ryntih jong baroh ki field unit.
U la peit bniah ia ki kam bad ki sienjam jong ki field unit jong ka Central Bureau of Communication kiba treikam ha ka thain shatei lammihngi. U la ong shuh shuh ba ki kam ba iadei bad ka North East Zone dei ban pyni bad pyntip ha ka ri.
Ha kane ka conference la don ruh ki jingiamir jingmut kaba la ialam da ki Indian Information Service officer na kylleng ka thain shatei lammihngi, kaba phaikhmat halor ki kam ai jingtip jong ki sha ki paidbah.
Ha ka sngi kaba ar ki officer jong ka Central Bureau of Communication na phra tylli ki jylla ka thain shatei lammihngi ki la pynsngew ia ki jingeh ba ki iakynduh haba ki pyndep ia ki kam ai jingtip sha ki paidbah ha la ki jong ki jong ki zone.
U Kripa Shankar Yadav, Additional Director General jong ka Press Information Bureau na New Delhi, bad ka Jane Namchu, Additional Director General jong ka NE Zone, ki la iasam ia ki jingsngew jong ki ha kane ka conference.
