Shillong, Jymmang 13: U Symbut Myntri Rangbah u bah Prestone Tynsong, u la pyntip ba ka sorkar kala shim ia ka rai ban pynjlan ia ka jingkhangdam ha East Khasi Hills haduh ka por 5.00 baje mynstep jong ka 24 tarik mynta u bnai.
Ka jingshim jong ka sorkar ia kane ka rai ka long namar ba kala kiew palat kane ka jingpang COVID-19, ka sorkar ka sngewthuh ia ka jingeh jong ki paidbah hynrei ym ban se ban shim ia kane ka rai ban iada na ka jingsaphriang kane ka jingpang.
Haba ia dei bad kiwei ki District ha ka jylla ka sorkar kala aiti sha ki Deputy Commissioner jong ki District ban peit ban leh ia kaba don kam katkum ka jingdon kam jong ki District.
Ha kane ka sngi ka sorkar kala shim ia ka rai ban buh ia ki jaka pynsah kyrpang ia kiba shitom ha ki ki shnong bad ki jaka kiba ki DC ryngkat ka jingiatrei lang ki BDO bad ki khlieh nongsynshar ban buh ia ki jaka pynsah kyrpang ia kaba ka sorkar kan ai jingiarap lada don kam ban buh ia ki Oxygen ruh.
Na ka liang jong ka sorkar ka kyntu ia ki khlieh nongsynshar ba kin ia trei lang bad ka sorkar ha kane ka jingiakhun pyrshah ia kane ka khlam jingpang, bad ka jingbuh ia kine ki jaka pynsah kyrpang ka long ban pynlait na ka jingwan jong ki briew sha ki Hospital lada ka jia.
