Shillong, Jylliew 08: Ki lat pahara la pynkhlian ha baroh kawei ka nongbah Delhi ha kaba u Narendra Modi yn sa shim ia ka jingbam smai kum u Myntri Rangbah Duh jong ka Ri India bad ka kynhun myntri la shai ka sngi por 7.15 baje mynmiet ha Rashtrapati Bhavan.
La shai ka sngi la khang ia baroh ki jait lieng suin ba kin iaid ha ka por kaba dang pynsmai ia u Myntri Rangbah duh jong ka Ri India u Narendra Modi bad ka kynhun myntri ha katei ka por ba dang don ka jingbam smai ka khang ia baroh ki jait lieng suin ban pynher, la pynjari ia ka kyndon 188 CrPC.
Ki pulit jong ka nongbah Delhi kila pynkhlian ia ki lat jingiada baroh na baroh ki liang, ka jingpynkhlain ia baroh ki lat jingiada hapoh ka Rashtrapati Bhavan, ki lat jingiada la shim na baroh ki liang, ha kaba baroh ki kynhun pulit bad ki bor shipai kin pahara bha ha baroh kawei ka nongbah Delhi.
Ha kane ka jingbam smai jong u Narendra Modi kum u myntri rangbah duh jong ka Ri India bad ka kynhun myntri ki don ki khlieh nongsynshar na kiwei ki ri jong ka pyrthei ruh ban ia sakhi lang ia katei ka sngi.
Sawdong jong ka Rastrapati Bhavan la buh ia ki CCTV komera ban pynthikna ba ka jingpahara kan long kaba khlain bad la khang ia ki kali ba kin iaid sha katei ka jaka sawdong jong ka jaka sah jong ka President ka ban sa pynbam smai ia u myntri rangbah duh jong ka Ri India.
U Narendra Modi, la shah ka sngi shuwa ban leit ban bam smai ha ka sien kaba lai kum u myntri rangbh duh jong ka Ri India un leit sha Rajghat ban pyndon burom ia u kpa jong ka jaidbynriew u Mahatma Gandhi.
