Shillong, Jymmang 21: U Director ka tnad ka koit ka khiah u Dr. Aman war u la iathuh ba ka jylla kan don ar tylli ki jaka pyndap ia ki tyndong Oxygen, kawei ha Umsawli ha East Khasi Hills bad kawei ha Jengjal West Garo Hills.
Kine ki kor ki bor la pynkit da ki Eroplane na Delhi sha Meghalaya, kine ki kor la tip kum ka “Cryogenic Oxygen Plants” Kine ki kor, kaba ha Jengjal ki dei ka ba 20-Kilo litter bad kane kan lah ban pyndap 2000 tylli ki tyndong Oxygen bad ka ba ha Umsawli ka long 13-kilo litter ka ba lah ban pyndap 1000 tylli ki tyndong oxygen. Kine ki wan na ka jingbei pisa lyngba ka PM Cares.
U Director u la iathuh ba ha Shillong Civil Hospital la dep ban buh 6 tylli ki kor Oxygen Concentrator bad kawei ka kor kalah ban ai oxygen 25 tylli ki jingthiah, kine ki juh ki kor la buh ha Nongpoh, Jowai, Tura, R.P Hospital bad Ganesh Das Hospital kine ki wanna na ka UNDP skhim.
La iathuh ba ynda la dep ban buh ia ka Cryogenic Oxygen Plant ha Umsawli ynsa shim noh is ki oxygen Concentrator na Civil Hospital Shillong bad ban buh ha kiwei ki CHC namar kawei ka oxygen concentrator ka lah ban pyndap haduh 25 jingthiah.
U Director ka tnad ka koit ka khiah u la ong ba ynda la lsh ban pyndait lut ia baroh kine kor ka jylla kan sa lah ban pyn biang ia ka kingdom kam oxygen ha ka jylla.
