Shillong, Kyllalyngkot 30: Ryngkat bad ka ri baroh kawei ka jylla Meghalaya ruh mynta a sngi kala pynlong ia ka jingsngap jar kaba arminit ban burom ia kito kiba la aiti iala ka jingim ha ka jingialeh ban ioh laitluid ka ri na ka jingsynshar ki nongwei.
Ia kane ka jingsangap jar kaba arminit la pynlong ha phylla jong ka Meghalaya Main Secretariat ha kaba la lam khmat da u bah Fredrik F Kharkongor Commissioner bad Secretary, bah Wilfred Nongsiej, kong M War Nongbri bad kiwei kiwei ki heh sorkar kila don lang.
Ha kane ka sngi na ka liang jong ki pulit ka jylla kila pynlong ruh ia ka jingkynmaw burom da kaba pyndem ia ki ktang suloi ha katei ka jaka ha jingialang kaba la long ha khmat main Secretariat kum ka jingburom ia kito ki nongialeh laitluid kiba la aiti iala ka jingim.
Ha kane ka sngi la buh syntiew ruh ha khmat jong u mot jong u Mahatma Gandhi da ki heh sorkar jong ka jylla bad ha kane ka jingbuh syntiew kila pynlong ruh ia ka jingsngap jar ha khmat jong u dor mot Mahatma Gandhi.
