Shillong, K.Lyngkot 08: Ka Deputy Commissioner jong ka East Khasi Hills District mynta ka sngi kala pynmih ia ka hukum ba baroh ki dukan bad kiba die madan ki dei ban khang ha ka sngi u blei.
La bthah ba ia baroh ki dukan dei ban khang ha ka por 8.00 baje mynmiet, ki restaurant bad ki jaka die bam ki dei ban khang ha ka por 9.00 baje mynmeit, katba ia ki dukan kyiad phareng bad ki jaka die kyiad bala ioh jingbit na ka sorkar ynsa pynmih da kawei pat ka hukum.
Kitei ki jingbuh kyndon ka long ban iada na ka jingsaphriang kane ka jingpang COVID-19 ha kane ka ri bad ka District , kane kan trei kam ha baroh kawei ka nongbah Shillong naduh mynta ka sngi, kane ka long katkum ka jingpynbna na ka Deputy Commissioner ka East Khasi Hills District.
