Jowai, Nohprah 01: Mynta ka sngi u President jong ka party HSPDP u bah K P Pangniang u la pynskhem ia u bah Wanshwa Nongtdu kum u president ka party jong ka Rilum Jaintia bad ia ki san ngut ki nongkit kam kiba ha khmat jong ka party, u bah One Way Talang kum u General Secretary.
U bah Dayschbornemi Talang kum u Secretary ka jong ka West Jiantia Hills District, bah Wonly Bareh Secretary ka East Jaintia Hills District bad u bah Sucil Dkhar kum u nongbat ia ka pla pisa jong ka party, ia kane ka jingpyn skhem la pynlong ha Orchid ha Thadlaskein West Jaintia Hills District.
Ha ka jignkren jong u President ban pynskhem ia ki nongkit kam jong ka party u bah K.P Pangniang u la ong ba, ia ka Party HSPDP la seng ha u snem 1968 shuwa ban ioh ia ka jylla Meghalaya bad kane ka party ka dang iai bteng ban bat iala ka nongrim ban iada ia ka jaitbynriew.
Ka nongrim kaba ka party HSPDP ka ieng ka long ha ki lai tylli ki nongrim kumba long ki Mawbyrsiew, ban pynneh pynsah, ban iada bad ban pynbha, ka party ka ka ieng halor kine ki lai tylli ki nongrim haduh mynta, ki bun bah kiba la mih na ka party hyrnei ka party kam shym la kylla jutang na ki nongrim kiba ka ieng naduh ba sdang haduh mynta la 55 snem.
U President ula pynkynmaw ba bun bah ki nongialam na Rilum Jaintia kila jop na ka party HSPDP, u bah Onward L Nongtdu bam kwai ha dwar u blei bad kiwei kiwei, kila don san ngut kiba la jop MLA bad 13 ngut kum ki MDC kiba la jop na ka party HSPDP, kumta ka pary kam dei shuh kaba thymmai.
Ha ka jingkren u bah Shakliar Warjri MLA jong ka party bad u myntri ka sorkar jylla ba dei peit ia ka tnad ialekai bad kiwei kiwei, u la pynpaw ia ka jingsngew kmen ka jong u ban iohi ba mynta ka sngi la lah ban pynurlong ban ioh ban plie ia ka jingtreikam jong ka party HSPDP ha Rilum Jaintia.
Na ka liang jong u bah Shakliar u la kyntu ia ki dkhot jong ka party kiba la wan ban pyniasoh sha ka party mynta ka sngi ba kin long kiba ia treilang na ka bynta ban kyntiew ia ka ri bad ka jaidbynriew ha baroh ki liang, kane ka long tang ka jingsdang bad nangne sha khmat kin dang ia teilang ha ki ba bun ki liang.
Ha kane ka sngi kiwei kiba la kren ha ka jingialang ban pynskhem ia ki nongkit kam ki long u bah Panborlang Ryntathiang General Secretary ka party, bah Starfing Pdahkasiej nongkit kam party, u bah Sucil Dkhar, ia ka jinglang la pyniaid da u bah Wanshwa Nongtdu haka jingiadon lang kan kot spah ngut ki briew kiba la wan ban pyniasoh sha ka party.
