Shillong, Naiwieng 01: Ka Khasi Student Union NEHU Unit mynta ka sngi ka 1 tarik u Naiwieng 2024 ki la ioh ban pynlong ia ka jingpynskhem ia ki nongkit kam ba thymmai bad pynkup burom ia ki samla ki ba la passbha ia ka exam ba la pynlong da ka NEHU na ki departments bapher bapher.
Ia kane ka jingialng la wan ban ia don bynta lang da u bah Samuel B Jyrwa u ba dei u Chairman jong ka NESO kum u kongsan, ha ka jingiadon ryngkat lang u bah Lambokstarwel Marngar president ba rangbah Ka KSU, u bah Donal V THabah General secretary KSU sengkmie, u Prof Desmond Kharmawphlang.
Ha ba ai jingkren ha kane ka jingialng na ka liang u bah Samuel Jyrwa u la ong ba ki kmie ki kpa ne ki ba haiing ha sem ki khmieh lynti na ki samla pule ba kin don kano kano ka jingmih hynrei ka shong ha ki samla ba kin tip ia ka jingpynlut ia ka por ha ba ki don ha poh kane ka skulbah.
U la ong ruh ba kane ka skulbah ka dei ka jaka ka ban saindur ia ka jingim ki samla kumta ki dei ban pynlut ia ka por ha ki kam ki ba seisoh ha ka ba kan long ka jingmyntoi ia ka longrynnieng jong ki samla bad ki longdien ki ban sawan. U la ban ruh ba ka jingdonkam ban pyleit jingmut kham bha ha ka pule ka puthi ha ka ba kan long ka jingmyntoi ia ka shong ka thaw bad ia ka Jylla baroh kawei.
Ha kane ka sngi la pynbma smai ia ki nongkit kam jong ka KSU NEHU unit da u samla Lambokstarwell Marngar ha ka ba u samla Shibaitlang Rymbai kum u President, Cicilia Pyngrope Vice president, u samla Kevin N Wanrap kum u general secretary, Ibakordor Marwein Assistance General secretary, u samla Reddy Tariang Finance secretary, Mebanbat Kharmawlong Publicity Secretary, Tiplut Wann Education Secretary bad 7 ngut ki executive members.
