Shillong, Jylliew 26: U Chief Electoral officer(CEO) jong ka tnad elekshon jong ka sorkar jylla u Bah F R Kharkongor u la iathuh ban a ka liang jong ka ophis la pyntip sha ka Election Commission (EC) jong ka Ri India ba u MLA jong ka 35-Ranikor Konstitwensi u Martin M Danggo u la risain bad kane ka konstitwensi mynta kala long thylli.
Haba kren ha u SP News Agency u Bah Kharkongor CEO jong ka jylla Meghalaya u la ong ba “Nga la pyntip ia kane ka jinghiar shuki u MLA ka 35- Ranikor ha ka juh ka sngi, ha kaba ka secretariat jong ka Meghalaya Legislative Assembly kala pynmih ia ka jingpynbna”.
Da kane ka jingpyntip sha ka Election Commission, mynta ka shnong ha ka election Commission jong ka Ri India ba kan buh ia ka por ban pynlong ia ka elekshon shiteng samoi hapoh jong ka 35-Ranikor Konstitwensi. Kat kum ka rule ka long ba hapoh hynriew bnai dei ban pynlong noh ia ka MLA Election.
