Shillong, Lber 27: Ia ka jingiakop siat khnam baa r bala pynlong da ka NTPC National Ranking Archery Tournament 2023 la pynkut mynta ka sngi ha ka jaka siat khnam jong ka SAI Training Centre, NEHU, Shillong. Ia kane ka jingiakop la pynlong da ka Archery Association Meghalaya, hapoh ka jingpeit jong ka Archery Association India.
Baroh kiba la wan ban ia shim bynta ha kane ka jingiakop siat khnam ki don 351, na kitei kiba wan ban ia shim bynta 78 ngut dei ki khynnah, kiba kham heh ki don 115 ngut, bad 198 ngut kiba la heh la san bad kane ka long na ka bynta ki kynthei bad ki shynrang.
Ha kane ka sngi ki nongkit kam kiba la don ki long ka kong M War Nongbri kaba dei ka President jogn ka Archery Association Meghalaya, u bah P B War Nongbri u Secretary, Archery Association ka Meghalaya, Prof P S Shukla, NEHU Vice-Chancellor kila ia don lang ha kane ka sngi pynkut ia ka jingiakop siat khnam.
