Shillong, Iaiong 13: U bah Charles Marngar MDC jong ka Mawhati la iathuh ba ki pulit jong ka jylla Assam kila register ejahar pyrshah ia ki lai ngut ki riew rangbah kiba la shah kem na shnong Sabuda ba hap hapoh Ri Bhoi District ka jaka ba dang ia kam mar kylliang.
Haba kren ha u SP News Agency mynta ka sngi la ong ba katkum ka jingtip kaba la ioh mynta ka sngi ba ia u bah Barson Lawai, bah Stanling Khriam bad u bah Disparsing Mukhim kiba la shah kem la register ejahar ha Assam.
Na ka liang jong ka kynhun Border Area Raid Nongtung kala thoh sha u Deputy Commissioner jong ka Ri Bhoi District ban pynlait lem ia kine ki briew na Assam ia ka shithi la soi da u bah Aloysius Bina secretary bad bah Blikstar Sohtun President kaba ki kwah ba na ka liang jong ki bor jong ka District Administration kin leh ei ei ban pynlait ia kitei ki briew.
Halor kane ka jingshah kem kitei ki lai ngut ki briew u MDC jong ka Mawhati u la thoh da ka shithi sha u myntri rangbah ka jylla Meghalaya, sha u Myntri kam poh iing ka jylla u bah Lahkmen Rymbui bad sha u Deputy Commissioner jong ka Ri Bhoi District ban pynlait ia kine ki lait ngut kiba shah kem na Ri Bhoi.
U Bah Charles Marngar la ong ba halor kane ka jingjia u myntri rangbah ka jylla khlem jubab ei ei bad na ka liang jong u myntri kam poh iing ka jylla u la phone ia u hynrei khlem kren ei ei, na ka liang jong u MDC u kynnoh ba lei tang ia ki broiew jong ka jylla Meghalaya la kem ym ia ki briew jong ka Assam katba jia ei ei ha khappud.
