Shillong, Nailur 26: U Myntri Rangbah Duh, u Narendra Modi u la ai jingkren ha ka Rozgar Mela bad u la sam kumba 51,000 tylli ki shithi thung kam sha kito kiba dang ioh kam thymmai lyngba ka video conferencing mynta ka sngi.
Ha ka jingai jingkren jong u, u Myntri Rangbah Duh u la kitbok kit rwiangia kito kiba la ioh ia ki shithi thung kam mynta ka sngi. U la ong ba ki don hangne mynta namar ka jingtrei shitom jong ki bad ba la jied ia ki na ki million ngut ki nongthep kam.
Da kaba kdew sha ka Ganesh Utsavkaba long ha kylleng ka ri, u Myntri Rangbah Duh u la ong ba kane ka dei ka ‘Shri Ganesh’ jong ka jingim kaba thymmai ia kito kiba la ioh kam thymmai ha kane ka por kaba kyntang.
“U Ganesh u dei u Blei jong ki jingjop,” la ong u Myntri Rangbah Duh da kaba bynrap ba u ngeit skhem ba ka jingtrei shitom jong kito kiba dang shu ioh kamkan iarap ia ka ri ba kan pynurlong ia ki thong.
U Myntri Rangbah Duh u la ong ba ka ri ka la ioh mad ia ki jingjop kiba khraw. U la kren shaphang ka NarishaktiVandanAdhiniyamkaba la pynkup bor iashiteng ki briew jong ka ri.
Ka jingbuh jaka kyrpang ia ki longkmie kaba la sahkut la 30 snem, ka dei kaba la ioh jingmynjur ha baroh ar tylli ki iing dorbar thaw ain ha kaba ki vote ki la bun tam.
Kane ka rai ka la wan ha ka bynta kaba nyngjong jong ka Parliament kaba thymmai bad ha kawei ka rukom, ka dei ka jingsdang kaba thymmai ia ka ri ha kane ka Parliament kaba thymmai la ong u Myntri Rangbah Duh.
U Myntri Khynnah ka tnat Minority Affairs u John Barlau la iashim bynta ha ka Rozgar Mela hanongbahShillong ha kaba u la sam ia ki shithi thung kam hadien ka jingai jingkren u Myntri Rangbah Duh.
Ha Shillong, la sam ia kishithi thung kam sha 293 ngut ki briew ba kin rung ha ki kam kiba don ha ki tnat Posts, Food Corporation of India, ka tnat Health and Family Welfare, North Eastern Electric Power Corporation Limited, ka tnat Education bad ka tnat Defence. Na kine baroh, 126 ngut ki la ioh ia ki shithi thung kam mynta ka sngi ha ka thain Meghalaya.
U Myntri u la ong ba u sngewhun ia ka rukom pynlong ia ka Rozgar Mela bad u la ong “Nga kmen bha ban don hangne mynta ka sngi bad ban ioh iashim bynta ha ka prokram Prime Minister RozgarMelakaba pynlong ha 46 tylli ki centre ha kylleng ka ri.” U la kren shaphang ka jing thmu jong u Myntri Rangbah Duh ban pynbiang ki kam sorkar ia ki samla ha ka por kaba biang bad u la ong.
“Ha u bnai Jylliew, 2022, u Myntri Rangbah Duh jong ngi u la peit ia ka jingdon ki nongtrei ha baroh ki tnat Sorkar bad u la bthah ba dei ban thung kam ia 10 lak ngut ki briew da ka Sorkar ha kine ki shi snem shiteng.”
U la ong ba ka RozgarMela ka dei kawei na ki sienjam jong ka Sorkar Pdeng bad u la ong ba kane ka dei kawei na ki sienjam ban pynurlong ia ka jingkut jingmut jong u Myntri Rangbah Duh ban peit bha ia ka jingplie lad ioh kam bad ka jingplie ki lad ia ki samla na ka bynta ka jingpynkupbor ia ki bad ka jingiashim bynta jong ki ha ka roi ka par jong ka ri.
