Khapmara, Nailar 05: Ka jingtrei ban shna ia ka jignkieng iaid kali kaba thymmai ha Dwar Ksuid ha Ri Bhoi District kala sdang, ka jingmang pisa ban shna ia kane ka jingkieng ka long T.9.70 klur tyngka.
Ka jignkieng kaba la pyndon kam ban iaid ki kali ha katei ka surok Shillong Bye Pass ka dei ka jingkieng kaba rim jong ka surok rim kaba mynshuwa da ka jingdon ia katei ka surok kaba thymmai ki kali kiba iaid lyngba katei ka surok kila kit palat ia ka bor jong katei ka jingkieng.
Katei ka jingkieng kala or paid bad kala pynlong ruh ia ka sorkar ban shna ia a jingkiengnar hynrei ka jingkiengnar ruh kala kdiah bad ka sorkar pdeng lyngba ka tnad shna surok kala mang pisa thymmai ban shna ia kane ka jingkieng kaba thymmai ka ba la kot sha ka T.9.70 klur tyngka.
Ka tnad shna surok jong ka sorkar jylla kala buh kyndon ia ki kali ban kit mar ban iaid lyngba kane ka jingkieng bad la buhruh ia ki pulit ban peit ba ka jingiaid ki trok kit mar kin iaid kawei kawei ban shah ktah katei ka jingkieng kaba la sator mynta.
